Son dous relatos extensos: O peso das sombras e Lonxe, dúas novelas curtas, dúas historias de soedade, de dúas aves de paso, Diego Ferro e Clara Dardé, na procura dos seus orixes.Ramiro Fonte amosa nesta súa obra, un excelente dominio da lingua e do retrato psicolóxico dos personaxes. A través da creación de situacións, da preocupación polas relacións interpersonais e da atmósfera onde se relacionan, o autor consigue que o lector deteña por un instante na súa butaca esas "aves de paso".Narrativa intimista, conxunción dunha visión realista e dunha prosa lírica que tinxe de nostalxia e desesperanza as paixóns e os acontecementos, sen caer nos excesos da retórica.Libro de transición, pero rico, complexo, sabiamente medido e ben administrado, esplendidamente escrito, como tódolos traballos deste autor que anuncia a plenitude dun escritor que por méritos propios está chamado a ocupar un dos postos sobranceiros das nosas letras.