CELANOVA 1900-1981. MEMORIA FOTOGRAFICA (En papel)

Datos del libro

• Nº de páginas: 179 págs.
• Editorial: DIP. PROV. DE OURENSE
• Lengua: ESPAÑOL
• Encuadernación: Tapa blanda
• ISBN: 9788496503434
• Año edicón: 2008
• Plaza de edición: ORENSE

Sinopsis

Que os repasos á historia son unha constante nas propostas individuais ou colectivas que habitualmente nos chegan ó Concello, é unha evidencia que non precisa de moitas explicacións e que un simple paseo polas hemerotecas xustificaría plenamente.Teñen sido moitos -a estas horas custaríame facer un reconto exacto- os libros que nos últimos anos temos presentado no Concello de Celanova (xa fora editado polo propio Concello, ou por outras institucións, editoriais ou colectivos) que contan sempre coa presencia permanente dalgunha ollada parcial ou global a calquera dos moitos ángulos a través dos cales pode ser mirado o pasado de Celanova.Dende guías máis ou menos turísticas, ata complexos traballos de investigación, como foron no seu momento a transcrición do Tombo do Mosteiro do profesor Andrade Cernadas ou a Colección Diplomática estudada pola profesora Beatriz Vaquero, o protagonismo de Celanova na historia -na longa historia de Galicia- afortunadamente está ben estudada e axeitadamente difundida.Sen embargo, nunca dende que son alcalde de Celanova, se dera a circunstancia de que o Concello de Celanova puidera colaborar na publicación dun libro de mirada histórica, pero gráfica, como é este.Un libro que ten a súa fonte de alimentación no traballo de varias exposicións de fotografías antigas, a maioría das cales foron organizadas dentro do traballo realizado nos últimos anos dende o Departamento de Cultura do Concello queme honro presidir.Por esta circunstancia, é dicir, polo feito de ser un libro nacido ó abeiro da actividade cultural municipal (aínda que logo o traballo de Antonio Piñeiro fose moito máis alá), presentalo hoxe constitúe para min unha dobre satisfacción. Unha, por contribuír a facer realidade que esta entrañable mirada á Celanova de nantronte poida ser posible. E outra porque sexa precisamente Antonio Piñeiro o autor da iniciativa.Dende as primeiras postais que se coñecen da nosa vila ata as fotos do Rizo, que todos gardamos con tanto cariño no álbum familiar, agardo que o paseo por estas páxinas lles axude a espertar a nostalxia e a alimentar a memoria sobre un tempo que xa non está, pero que gracias ó traballo perspicaz dos fotógrafos, quedou tan ben inmortalizado.Antonio Mouriño billar Alcalde de Celanova