CONTOS EN CANTOS (LIBRO+CD+DVD) (En papel)

VV.AA., OQO EDITORA, 2008
ISBN 9788498710472

(0 valoraciones )

Otros formatos y ejemplares disponibles

Otras novedades de De 5 a 8 años. Álbumes ilustrados

¿Tienes un ejemplar y quieres venderlo? Véndelo ahora

Descatalogado por distribuidor

Crea una alarma sobre este libro

Te avisamos si se pone a la venta un nuevo ejemplar

Datos del libro

Editorial: OQO EDITORA
Lengua: GALLEGO
Encuadernación: Tapa blanda
ISBN: 9788498710472
Año edicón: 2008
Plaza de edición: PONTEVEDRA

Sinopsis

Percorrer o mundo contando e cantando bossa nova cunha hipopótama presumida, e sirtaki cuns velliños que un día se queren moito e outro non paran de discutir. Mentres, ao son dun tango, bailan ben agarradiños un elefante gris con lunares morados e unha formiga negra con cintura de avespa. En total, unha restra de melodías para trece contos, escolmados entre os relatos publicados por OQO Editora e procedentes das máis diversas tradicións do planeta. Xa non hai escusa para non coñecermos algo máis de todas esas culturas, porque a voz doce e saltarina de Almudena Janeiro é a que nos guía.

Este libro-CD-DVD é un diálogo a tres bandas entre a música, a literatura e as artes plásticas. A partir dunha selección de contos de distintos lugares do mundo, tanto de autor, como tradicionais, e en combinación con diferentes estilos musicais: bossa nova (O Brasil), sirtaki (Grecia), tango (A Arxentina), rock & roll, soul, gospel ou cantos africanos, créase por primeira vez un fondo musical galego. Con el preténdese achegar os máis pequenos, a outras culturas, a través da nosa, e que aprendan a valorar e compartir este rico patrimonio musical, co que ademais se poden divertir.

Á parte de no CD, a música, a literatura e as artes plásticas están presentes no soporte libro, que contén as imaxes dos contos orixinais e as letras das cancións. Os 13 temas do CD ábrennos por riba, un amplo abano de posibilidades para o traballo de aspectos lingüísticos, musicais e emocionais, con nenos de infantil e primaria: karaoke, xogos, dramatizacións, danzas sinxelas…

As cancións están interpretadas pola voz solista de Almudena Janeiro, acompañada por guitarras, frauta, tambores, congas… e tamén por outros instrumentos máis accesibles para os nenos, como cascabeis, claves, pau de choiva, chocas… nun intento por axustar o ritmo á procedencia das historias. Así que, os cativos terán aquí unha boa ocasión para afinar o oído e probar a discriminar sons, melodías… Seguro que non a desperdiciarán.

Autora e intérprete: Almudena Janeiro
Ilustracións da portada de Maurizio A. C. Quarello