OLLOBRUSCO (En papel)

Datos del libro

• Nº de páginas: 36 págs.
• Editorial: OQO EDITORA
• Lengua: GALLEGO
• Encuadernación: Tapa blanda
• ISBN: 9788496788695
• Año edicón: 2008
• Plaza de edición: PONTEVEDRA

Sinopsis

Un rato, movido pola curiosidade e o desexo de ser feliz, sae a correr mundo, xunto con dous compañeiros de aventuras, un can e un elefante, que tamén queren coñecer máis cousas que as de cada día. Despois de percorreren varias paisaxes máxicas e cruzaren o océano das estrelas, topan o ciclope Ollobrusco e, nun exceso de inxenuidade, quedan a comer con el…

Ollobrusco é un relato tradicional para prelectores e primeiros lectores, que bebe da tradición mediterránea do conto popular, da que toma prestados dous motivos: a viaxe de aventuras (o abandono do fogar, co posterior descubrimento do fantástico e, por veces, perigoso mundo exterior) e a figura do ciclope.

Nesta historia, Elefante e Can acaban no bandullo do monstro. Porén, o rato, con poucos medios e moita astucia, salvará a vida dos amigos. Ao final todos aprenden algo: uns a seren cautos e outros, a non usaren a violencia. Aínda así, Ollobrusco non pretende transmitir unha ensinanza, senón argumentos para a reflexión que susciten a curiosidade e as preguntas do lector, nun intento por provocar conversas enriquecedoras entre nenos e mediadores (pais, mestres…).

O libro ilústrano imaxes, que describen escenarios imaxinarios, e a partir de elementos cotiáns, constrúese un novo mundo, cuns límites moi difusos entre xogo e realidade. Por último, as estruturas paralelísticas e acumulativas, facilitan a narración e a memorización.

O italiano Maurizio A. C. Quarello volve demostrar a súa mestría coas súas persoais ilustracións, inzadas de coñecidas referencias artísticas, que achegan unha nota de humor.

Texto de Darabuc
Ilustracións de Maurizio A. C. Quarello
Tradución do castelán Sara Monda