Novela que, baixo a forma de diario, relata a educación sentimental dunha rapaza na Galicia de hoxe.
A narración achéganos á intimidade dunha rapaza ás beiras da adolescencia mediante un diario no que a voz da autora desaparece para se encarnar na da propia protagonista, que nos conta as súas vivencias dun xeito directo e, por iso mesmo, abraiante. A autora de Xente coma min, que xa demostrara nese libro unha gran capacidade de identificación coa mocidade e unha facilidade pouco corrente para chegar ós seus sentimentos máis fondos, acada outra volta unha narración directa, áxil e convincente.

Temas:

Adolescencia, educación sentimental. Primeiro amor; sexualidade. Amizade; relacións familiares. Estudios.


Xénero:

Novela en forma de diario.


Nivel:

Dos 12 anos en diante. Terceiro Ciclo da Educación Primaria. Educación Secundaria