ALETAS E BURBULLAS

Un libro de tea diferente para mergullarnos no fondo do mar.

“Aletas e burbullas” é un libro de tea perfecto para iniciar o hábito da lectura e fortalecer o vínculo co bebé a través da observación e do xogo. Un formato ideal para estimular a curiosidade, a adquisición da linguaxe e a imaxinación de maneira lúdica e próxima ao tempo que se adquire un vocabulario básico relacionado coa vida mariña.

As ilustracións sinxelas e atractivas de Mercè Galí mostran algunhas das especies que poboan o océano, compartindo escena cun elemento vexetal que axuda a relacionar esta proposta con “Pelos e plumas”, libro publicado ao mesmo tempo e dedicado aos animais da granxa. En ambos os casos, o deseño coidado e orixinal diferénciaos doutras propostas publicadas para estas idades.

Un formato seguro e duradeiro, confeccionado en tea lavable e resistente que se presenta nunha atractiva caixa de cartón ideal para regalar.