CRONICA DOS CAMPAMENTOS DO VAL DE BARCALA

En xa máis de cinco décadas, e coas distintas xeiras que así se describen, os nosos campamentos teñen levado á beiramar varios centos de nenos e nenas da nosa contorna, na compaña de ducias de persoas mozas e adultas, como responsables dos equipos de monitores. Non son estas cifras esaxeradas: subliñan a amplitude e mais o interese social de tal actividade formativa para o óptimo aproveitamento do tempo libre no verán. Este libro devólveme (¡medio século despois!) a moitos episodios gratos e memorables da mocidade. Moi agradecido a quen tiveron a feliz iniciativa de recuperar esta memoria dos Campamentos Val de Barcala, a través da publicación desta obra tan chusca, a quen colaboraron nela e a quen fixeron posible unha edición tan oportuna e meritoria. Remate destas palabras introdutorias. Agora, pásese á páxina seguinte para meterse dentro das tendas, das paraxes e da vida plena dos nosos gloriosos campamentos