DBH1 MATEMATIKA 16

Zure ikasgelako ikasle bakoitza desberdina da, eta beraz, arreta berezia behar du, bere ikaskuntza guztiz eraginkorra izan dadin.Aniztasunaren trataera egokia izateko, aintzat hartu behar dira ikasleen ikaskuntza-estilo eta -erritmo desberdinak. Horrez gain, baliabideak pertsonalizatu eta egokitu behar dira, eta beste ikasleekiko lankidetza sustatu; eta noski, egindakoa behar bezala ebaluatzeko aukera izan behar dugu.Bizigarri proiektuak, hain zuzen, arlo horiek guztiak lantzeko material ugari eskaintzen dizkizu.Ikaskuntza autonomoa sustatzen dugu Hainbat eta hainbat adibide eta jarduera ebatzi aurkezten ditugu, bai ikaskuntza finkatzeko bai eredutzat erabiltzeko, ikasleen maila desberdinetarako proposatutako askotariko jarduerak behar bezala egiteko. Horrez gain, matematika eskuz lantzeko fitxak eta iradokizunak jartzen dira eskura, zenbait eduki errazago ikasteko, konkreziotik abstrakziora eginez.MAT-IKT proiektuaren bitartez, eduki nagusiak lantzea proposatzen dugu, GeoGebra bidez sortutako miniaplikazioen (applet) bilduma handiarekin. Applet bakoitzak jarduera didaktiko bat du, eta beraz, ikasleak, esperimentatuz, ondorioak aterako ditu. Hala, ikaslea bera izango da bere ikaskuntzaren protagonista.