SUPERFICIE DEL SILENCIU

Superficie del silenciu ye una obra fecha cola solidez de l’argamasa pero tamién col desconsuelu del adultu qu’escribe y que sabe qu’«El neñu que fui / duerme nos terruños del pasáu». La memoria y el destín, tamién el presente, son el filu que da unidá a esti poemariu enllén d’imáxenes que son a crear un mundu de sensaciones qu’apoderen a quien llee. Ricardo Candás (Xixón, 1977) ye llicenciáu en Filosofía pola Universidá d’Uviéu. Ganador de dalgunos de los premios más prestixosos del panorama poéticu asturianu, tien publicaos los poemarios Quiciás seya payares (2006), Nos díes pensatibles (2011) y Naufraxos (2013). Como narrador estrenóse col volume de cuentos Les últimes pallabres (2010).