A MIÑA VIAXE ÁS GRAÑAS DO SOR

Un libro de viaxes que engade ao seu valor documental e etnográfico un notable interese literario.Neste libro, Uxío Carré Alvarellos amosa a súa capacidade para a observación e a expresión da realidade a partir da súa propia experiencia persoal. O volume complétase con O conto da Tía Marica, reelaboración dun relato popular no que o autor pon de manifesto o seu amor polo tradicional e a súa sensibilidade cara á fala campesiña. Os textos que aparecen nesta edición manteñen as solucións lingüísticas do orixinal, do que só foi revisada a acentuación.