CEREIXAS, AS

De non ser que eu amistaba con el por lle ir ás cereixas, teríamelle rido na cara pola súa tanta fachenda. A quen se lle ocorre, cousa ben parva del a min, poñerse por Dmitri no canto de Dima, que é o normal entre cativos e mais entre mozos. E aínda se lle cadra tamén entre homes, que había ata capitáns a quen chamaban polo atallo co diminutivo máis usual. Eu, en troques, na presentación nomeárame Colia, como é debido. Non Ñicolai coma quen fala oficialmente. Nin tampouco Nicolás, que de certo é o meu, ...