CHARLES SANDERS PEIRCE

Semiótica. Textos selectos é unha mostra representativa das reflexións semióticas de Peirce no contexto da súa produción intelectual, o que permite observar como evoluíron ao longo da súa vida as principais ideas que sobre os signos, a semiótica, a lóxica, a filosofía ou o pragmatismo formulou o autor. Estas páxinas salientan por unha banda, a constancia e continuidade dos temas e eixes principais que constitúen a armazón do seu pensamento, manifestado nas múltiples propostas de definición e análise dos elementos fundamentais da súa filosofía (a doutrina das categorías, a importancia do signo, a análise triádica da semiose, o pragmatismo, etc.), e, por outra, os cambios, terminolóxicos e de perspectiva, que algúns deste mesmos temas foron adquirindo co transcorrer do tempo. Na escolma tamén ocupa un lugar moi destacado a correspondencia con Victoria Lady Welby por constituír a presentación máis sintética do pensamento semiótico de Peirce, onde el mesmo revela o que considera as súas principais áchegas semióticas, en particular, e filosóficas, en xeral. O conxunto desta escolma evidencia, finalmente, como a reflexión semiótica e filosófica de Peirce está orientada de xeito primordial a comprendérmonos como seres simbólicos, pois, sen esta reflexión, as outras dimensións que nos caracterizan como humanos ( a ética...