Isadora Moon. Vai á escola

Isadora leva unha vida plena e atarefada na súa casa en compañía de Coelliño Rosa. Dende o seu dormitorio na torre máis alta pode ver toda a cidade e saír a voar entre a lúa e as estrelas, pero un día os seus pais opinan que xa ten a idade necesaria para ir á escola. Isadora esforzarase por comportarse coma unha fada completa e ser todo o que os vampiros agardan dela e todo iso sen deixar de ser ela mesma. Cal será a escola axeitada para ela?

Harriet Muncaster crea unha personaxe irreverente, divertida e un chisco aloucada que representa á perfección as dúbidas, problemas e desafíos aos que se enfrontan as cativas ao longo da súa infancia. Isadora Moon non é fada nin vampira, pero iso non é un problema para ela, é xusto iso o que a fai especial e única.