Kobazuloa

Eñautek, Leak eta Xuharek egingo duten aurkikuntzak erabat aldatuko du Itsasaldeko kanpinean igaro behar duten oporraldi lasaia. Turismoa sustatzeko Talaigorri mendian egiten dabiltzan tuneleko lanen erruz, inguru natural ederra izandakoa bizitzarik gabeko baso bihurtzen ari dira, eta txikizioa eragozten saiatuko dira hiru neska-mutilak. Baina Talaigorri ez da izango babestu beharko duten bakarra; izan ere, aurkikuntza ikaragarri bat egingo dute bertako baso ederretan barrena, eta historiaren zati bihurtuko dira konturatu orduko.
Adiskidantzak, lehenbiziko maitasunak, naturaren defentsak… bat egingo dute gazteei zuzendutako abentura eleberri honetan.