LEXICO Y SEMANTICA

Xosé Ramón Freixeiro Mato é catedrático da Área de Filoloxías Galega e Portuguesa na Facultade de Filoloxía da Universidade da Coruña. Entre as súas liñas de traballo están a gramática, a lingua literaria e a estilística, onde se inscriben dalgún modo monografías como Da montaña o corazón (Produción literaria e lingua en Noriega Varela) (1993), Antonio Noriega Varela. Estudo e edición da obra completa (2 vols., 1994, 2ª ed. 2007), Rafael Dieste (1995), Os diminutivos en galego (1996), A lingua literaria galega no século XIX (2005, en coautoría) ou Cucou o cuco cuqueiro. Lingua e estilo na obra de Manuel María (2007). Dentro dese mesmo ámbito de investigación publicou a segunda edición da Gramática da Lingua Galega (2006), en catro volumes, e o libro Lingua de calidade (Xerais, 2009). Alén disto, tamén é autor de diversos artigos sobre temas relacionados coa lingua literaria e o estilo de diferentes escritores galegos.