Little Babilonia

Pablo X. Suárez (Orviz-Siero, 1981) ye filólogu, especialista en llingua asturiana, promotor de la Timba Poétika y l’home de les camisetes d’Asturies Underground. Amás d’obra dispersa per taces, tiestos de physalis y paredes varies, en papel tien publicaos n’asturianu los poemarios Asturiana Beat (Trabe, 2005), El sistema débeme una chocolatina (Suburbia, 2011) y la recopilación de rellatos Yoni y yo (Suburbia, 2010). Tamién publicó, en castellán, los poemarios Pop Retórika (Glayíu, 2010) y Cómo evitar el apocalipsis (La novia de nadie, 2016). Nesta entrega nueva, Little Babilonia, cola qu’algamó’l XXIII Premiu «Xuan M.ª Acebal» de Poesía 2017, Suárez fai por tresmitir, col so habitual desenfadu dacuando enfadáu, una mirada crítica pa colo cotidiano dende los márxenes d’occidente.