NECROPOLIS DE LA ISLA DE TORALLA

O achado casual dunha necrópole tardorromana e, posteriormente, dun castro na Illa de Toralla (Vigo) difúndense na prensa traspasando as fronteiras locais; a arqueoloxía de Vigo chega ao gran público. A autora propón, a través da análise da prensa, un recorrido cronolóxico e temático do acontecido dende o descubrimento e estudo da necrópole ata o abandono da illa; os ritos da morte, o contexto político, a creación dos museos, a represión desencadeada polo golpe de estado de 1936, a urbanización que destruíu os xacementos e os estudos arqueolóxicos posteriores... Un percorrido atravesado por importantes transformacións en Galicia, no xornalismo, na disciplina arqueolóxica e na lexislación. A investigación inclúe o estudo dos obxectos que foron atopados nas tumbas, ata agora inéditos.