O espírito e a lama das formas

A filosofía de Nós: Risco, Castelao, Otero Pedrayo. Os autores da Xeración Nós, con diferentes modulacións, coinciden en facer derivar a súa concepción da natureza e mesmo a do ser humano, a da cultura e a do devir natural e histórico do dualismo ideal-romántico, ao que Otero Pedrayo apunta cando ve no imparable "devalar" das cousas a "fuxida do espíritu, a loita xornaleira da alma patuxando na lama das formas".