O MONO DO ASASINO - GAL

O mono do asasino é unha historia de mariñeiros, de detectives, de aventuras e moito máis. Un home é asasinado na zona portuaria de Lisboa e o mariñeiro Koskela é acusado do crime. A gorila Sally Jones, convencida de que o seu amigo foi acusado inxustamente, embárcase nunha misión a través dos océanos para limpar o seu nome. Narrada pola propia gorila nunha máquina de escribir, a historia desenvólvese dende portos de todo o mundo á corte dun maraxá da India. Os lectores deleitaranse coa historia de principios do século vinte e quedarán absortos polas innovacións tecnolóxicas da época. Esta aventura vertixinosa con aparencia de novela de misterio é esencialmente unha historia sobre amizade e soidade.