ONIRIA

A tranquila vida de Marga sofre un xiro inesperado o día que recibe a chamada do Sarxento Varela da garda civil. Pablo, a súa parella, acaba de sufrir un grave accidente de tráfico.

A partir dese instante todo canto leva vivido, pensado e decidido pasa a un segundo plano, e incluso a poñerse en tela de xuízo. Marga debe enfrontarse a un futuro incerto, nun presente convulso e cun pasado cheo de dúbidas. Unhas dúbidas que precisan respostas, nun momento no que a persoa que mellor lle pode axudar a resolvelas non está para moitas preguntas.

Acompaña á nosa protagonista na súa busca, nesta viaxe de ida e volta no espazo e no tempo. Unha historia de superación vital, con banda sonora incluída, na que pese á crueza da realidade do seu fondo está moi presente o humor na súa forma.