Os señores meses

A renovada colección «Merlín» ofrece unha nova serie para os primeiros lectores: «Merliño». Libros de grande formato, ilustrados a catro cores, historias significativas, textos sinxelos, secuencias breves nuns libros concibidos para ser lidos directamente por novos lectores ou por persoas adultas a nenos máis pequenos. Con cada novo ano, chega ata nós a roda dos señores meses, facendo as casas con cachos de lúa e con pingas de auga. Cando vén o frío as folerpas esvaran polos seus tellados de nubes de prata. Ó vir o verán traeo sol da man e os señores meses gardan os abrigos e xogan co mar. Xaneiro dorme na casa da choiva e, pola noite, no queixo da Lúa roe, roe. Febreiro chega soprando no corno do vento. Marzo ten medo do lobo que axexa ó pé da súa fiestra. As pingas esvaran polo paraugas do señor abril. Maio tece un abrigo de flores novas. Xuño, poeta, debuxa estrelas no ceo da noite... Doce amigos sempre xuntos, máis cada un deles moi distinto. Os señores meses é un fermosísimo poemario, onde cada un dos meses do ano é o protagonista.