¿QUE E O CANCRO?: UNHA RESPOSTA SIMPLIFICADA (2 VOL.)

O cancro é unha enfermidade máis, se ben a súa importancia xorde da gran frecuencia con que se presenta e do medo que provoca, tanto na xente que a padece, como nos seus familiares. A cancerofobia é un mal tan desagradábel como o cancro mesmo e, desde logo, máis difícil de sandar.Este Breviario é, por unha parte, unha receita contra a cancerofobia, baseada en que non se teme dun modo irracional o que se coñece cientificamente e, por outra, quere ser un intento de plantar unha semente de esperanza na prevención primaria do cancro.