XENOFONTE. ANTOLOXIA DE TEXTOS GREGOS

Antoloxía de obras de Xenofonte, principalmente de textos históricos, a fin de que o alumnado de segundo de bacharelato poida prepararse e afrontar con éxito as probas de Selectividade da materia de Grego. Os textos son de Helénicas e Anábasis principalmente, así como doutras obras, como Lembranzas de Sócrates, Económico, Apoloxía de Sócrates, Ciropedia e Banquete. A continuación propóñense modelos de exames semellantes aos que se poden esperar na Selectividade. Unha introdución e un apéndice completan diversas cuestións acerca da obra de Xenofonte. Cada texto, normalmente breve, vai seguido dunhas cuestións para realizar case sempre antes da tradución, pois van permitir afianzar os coñecementos gramaticais e facilitar o achegamento á versión dos textos. Para resolver tales cuestións sinálase como referencia a páxina do libro de texto de Grego para bacharelato de Baía Edicións e onde se atopará a resposta. Por último, só nos modelos de exames se pon a tradución dos nomes propios, xa que para os textos habituais se ofrece no apéndice un índice onomástico.