As dentaduras de Paco Palma

O carteiro Paco Palma tiña un problema: non podía comer e pensar ao mesmo tempo, por iso usaba dúas dentaduras; unha branca para pensar e outra laranxa para comer.
Pero un día Paco Palma esqueceuse da merenda e, cos dentes laranxas na boca, botouse a durmir debaixo dunha árbore.
Argumento sinxelo e un final en que fantasía e realidade se mesturan. As imaxes salientan o espírito humorístico do texto e, sen abandonaren un ton cordial e divertido, compleméntano con escenas cómicas moi eficaces.