40 AÑOS VOTANDO EN CELANOVA

Hai moitos libros sobre Celanova. Moitos autores de fama xa clásicos, como Manuel Curros Enríquez ou Celso Emilio Ferreiro, e tamén moitas firmas actuais. Hai publicados textos sobre a historia da vila, sobre os seus atractivos turísticos. Hai poesía de autores nados nesta terra ou vencellados con ela. Hai literatura, fotografías, ensaios..., pero non hai ningunha crónica política e social das características deste traballo. Corenta anos é unha cifra de peso suficiente como para repasar o acontecido nun concello como o de Celanova ao longo de dez mandatos municipais (1979-2015) polos que pasaron media ducia de alcaldes e un cento de concelleiros electos despois de moitos anos de ditadura sen poder elixir aos concelleiros e estes aos alcaldes polo sufraxio universal (1936-1975).