ELMER: OUTRA VEZ

O xurelo escritor cóntanos, tecleando na súa máquina acuática, a historia do neno perdido. Cando o mar andaba revolto, e no medio do batifolio, o congro convocou a reunión de canto animal habita no santo mar para coñecer que ocorría na superficie. Axiña acudiron o lorcho durmiñón, o polbo, o pinto, a maragota, a lura, o camarón, a pescada, a sardiña, o arroaz... O arroaz recibiu a encomenda de investigar a causa de tanto rebumbio e na superficie atopou pesqueiros, dornas, chalupas, veleiros, helicópteros, avións, cruceiros, petroleiros e mesmo o telescopio dun submarino.