Mil Venecies

De Mil Venecies, de Guti del Río y Alex Castrillo, XVII Premiu Alfonso Iglesias de Cómic n’asturianu, pue dicise que ye la hestoria d’una muyer como hai tantes; tan única que paga la pena contala. Una hestoria qu’entama escura pero que s’abre pasu como la lluz del día. Una hestoria qu’al principiu ye d’ella pero al final ye de munchos, Y que, falando d’otros, diz más d’ella mesma. Una persona nun se pue contar. La narrativa, les semeyes y los recuerdos de los que la conocieron son pieces borroses ya incompletes d’un ruempecabeces. A cambiu, cuenten ensin querer otres hestories ente llinies.