Minimalia. 20 pezas de teatro breve

A traxectoria dramática de Euloxio R. Ruibal (Ordes, 1945) é hoxe en día unha das máís consolidadas e recoñecidas no panorama teatral galego, pois desde que en 1973 gañou a primeira edición do Premio Abrente coa obra Zardigot, a súa produción teatral amosa os camiños seguidos polo teatro galego neste seu último proceso de reconstrución. Recollemos neste volume vinte pezas breves de Euloxio R. Ruibal, organizadas por orde cronolóxica segundo a data da súa primeira publicación, pois, agás a penúltima das obras aquí compiladas, Ondiñas do mar salgada, escrita ad hoc para esta publicación e inspirada na catástrofe do petroleiro Prestige, as pezas foron publicadas en diversos espazos, non sempre de fácil acceso.