U kon k’ajlayil lu’umil México

Colegio de México, tu jo’saj ti’ 1973 junp’éel yáax analte’il U kon k’ajlayil lu’umil México, utia’al u ts’aik jun chan p’íit u kaambalil k’ajlay k’a’anan tia’al je’el máaxak mexicanoil le k’iino’ob je’elo’. Te’ chichan analte’o’ takpajo’ob jo’túul ajts’íibo’ob tu tsaajo’ob ba’ax tu tukultalajo’ob u jach kon yéetel k’a’anan tsikbalil le ba’alo’ob úucho’ob ti’ le noj lu’umila’. Ka’ jóo’sa’ab uláak’ analte’o’obe’, ts’aab ti’ uláak’ xooko’ob tuyo’sal ja’abo’ob táantik u máano’obe’, ba’ale’ le pikilju’uno’ ma’ kéexi’, tak u k’uchul siglo XXI. Ma’ tu p’ataj u tsolik tu beel chen ba’ax k’ana’an, u tsolik xan yéetel t’aano’ob ma’ talantako’obi’, je’ebix meenta’ab le úuchben U kon k’ajlayil lu’umil México, le je’ela’ junp’éel analte’ jach jela’an: meen úuktúul u ajts’íibilo’ob, meen u jaatsilil ba’ax ku tsikbatiko’ob, meen ba’axo’ob ku ya’alik, meen bix u tsolik, meen u ya’abil ba’ax ku tsikbatik, beyxan u jach ma’alobile’, meen u túumben paakatil beeyxan u muuk’il, je’ebix u cha’ik le ka’ansaj jóok’ol táanil yéetel jach ma’alobkúunsa’an, yaanto’on te’ yáax ja’abilo’obil siglo XXI. Taan u meentik u seenkech juum u ja’abkach jejeláasilil meyaj, be’elake’, U tumben kon k’ajlayil lu’umil México, máansa’an ti’ kanp’éel máasewal t’aano’obil México _ Maaya t’aan, matlatzinca, náhuatl yéetel tlahuica _ utia’al u kaxta’al u na’ats’al le áanalte’a’, ti’ le kajtalilo’ob tu meento’ob u síiijil ak noj lu’umil, yéetel máaxo’ob, jach tu jaajil, yaan ti’ to’on junmp’éel seten úuchben p’aax.