📗 Libro en gallego ALGAS MARINAS DE GALICIA

A vexetación mariña cumpre a mesma función que as plantas no medio terrestre, osixena o medio e transforma os sales en alimento para que a enerxía do sol chegue a tódolos recunchos da vida no mar, poñendo en marcha o ciclo mesmo da vida. Aínda que, as veces, o seu aspecto pódenos parecer pouco atractivo, temos que considerar o seu traballo permanente como mantedoras da vida no mar. Galicia, con máis de 1.600 km de litoral, non pode manterse allea á riqueza que supoñen as algas mariñas, pois as nosas costas colócannos nunha situación de privilexio para a súa explotación. Algas mariñas de Galicia contén un ambicioso tratamento das macroalgas e as microalgas, desde o punto de vista biolóxico, industrial e gastronómico. Cunha información abundante, claves para a identificación e o tratamento de temas como as purgas do mar ou o fitoplacton, e con numerosos debuxos, esquemas e fotografías, os autores poñen a disposición dos lectores un campo pouco tratado pero especialmente importante para Galicia.