BAZAR DE TRAIDORES (GALLEGO)

BAZAR DE TRAIDORES RETRATA UN CAMBIO DE ERA: SE CADRA OUTRA GUERRA MUNDIAL PASOU E NON NOS DECATAMOS. O UNIVERSO É VIOLENTO, AÍNDA QUE A RUTINA HUMANA O FAGA PARSIMONIOSO. A SOCIEDADE NON É MÁIS CA UNHA ILUSIÓN COLECTIVA, E A HISTORIA, DEMASIADO GRANDE COMO PARA PRESTARLLE ATENCIÓN AOS INDIVIDUOS E AO SEU SENSO MORAL OU DE XUSTIZA. MENTRES LEMOS, NON ATOPAMOS FOGAR PORQUE O EU POÉTICO NON QUERE TELO. ATRAVESAMOS UN ECOSISTEMA DE VOCES ENTRELAZADAS E CICLOS QUE SE SOLAPAN, REDES NAS QUE COÑECEMENTO E EXPERIENCIAS PODEN SER PURO PECADO OU APENAS O ÚNICO QUE COÑECEMOS DA REDENCIÓN. ARQUÍVANSE VIDAS CONSTANTEMENTE, OS MANUSCRITOS VÓLVENSE COIRO… TODO MORRE, MAIS ALGO HABERÁ QUE UTILIZAR PARA SEGUIR CONSTRUÍNDO UN MUNDO. NAMENTRES, AS PANTASMAS FICAN INSEPULTAS INFECTANDO O AIRE. PARA A NATUREZA NON EXISTE A SANTIDADE NIN NADA INVIOLABLE. OS LIMITES ENTRE INSPIRACION, COLONIZACION OU PROSTITUCION NUNCA FORON CLAROS. PODE SER QUE ESTEAMOS POSUÍDOS. OU QUE NESTA REALIDADE FUGAZ, BONDADE E MALDADE NON SEXAN MÁIS CA UNHA CUESTIÓN DE COMUNICACIÓN.