Direitos lingüísticos e control político

Edicións Laiovento congratula-se en oferecer aos leitores e leitoras galegas un novo libro da profesora Maria do Pilar Garcia Negro–unha das máis relevantes figuras da nosa sociolingüística–, quen, coa lucidez, coa transparéncia e co rigor que caracterizan todos os seus traballos, aborda alguns dos temas xa encetados noutro libro fundamental–Sempre en Galego–, publicado tamén por esta editora. Os traballos que conforman este volume son o produto inequívoco do estudo, da análise, da reflexión e, sobre todo, do radical compromiso co máximo património que temos como Nación: o idioma.De aí que a profesora Garcia Negro veña, desde hai tempo, defendendo en diversos foros e ámbitos (Aulas, Congresos, Parlamento de Galiza) a dignidade do noso idioma e da nosa cultura.