Fabia

Fabia ye un pueblín non mui grande que vive d’una fábrica de medicamentos propiedá de los duques de Santurrasu, caciques cuasi medievales y mafiosos. A él llega Asur, que trabaya pa la firma que va comprar la empresa farmacéutica. Ésta y el pueblu escuenden más d’un misteriu pasáu y presente y nel qu’Asur va vese enduvielláu ensin querer. En Fabia nada nun ye lo que paez y eso que tol mundiu fisga na vida de tol mundiu. Ye ésta una novela curtia a medio camín ente’l suspense y l’aventura, chiscada d’amoríos inesperaos y sorpreses. De fácil llectura, nun quier ser más qu’una obra d’entretenimientu anque, igual ensin querelo l’autor, resulta bien apotada pa los díes d’anguaño, estraos de corrupteles y amaños bien dañinos pa la sociedá.