Letren koadernoa 1

Koaderno honen helburu nagusia da letrak identifikatzea eta denak eskuinerantz idazten ikastea. Horretarako, ikasleek letra guztiak idazten ikasteko eta horien arteko loturak ondo egiteko, hainbat jarduera bildu dira koadernoan. Hona hemen koadernoari buruz jakin beharrekoak: Kontsonanteak familiatan sailkatu dira, eta familia bakoitzean forma bertsua duten kontsonanteak bildu dira. Orrialdeen goiko aldean zenbait iruditxo ageri dira. Horien helburua da ikasleari lotura batzuk egiteko bidea erraztea. Lotura eta forma horiek egiten trebatzeko, ikasleek irudi horiek aparteko orrietan ere egin ditzakete tamaina handiagoan. Kontsonante bakoitzarekin sortutako silabek ere ordena konkretu bati jarraitzen diote: lehenik, e bokalarekin egindakoak; gero, i-rekin, u-rekin, a-rekin egindakoak, eta, azkenik, o-rekin egindakoak. Izan ere, e, i eta u bokalekin egiten diren loturak errazagoak dira, a eta o bokalekin egiten direnak baino.