O PAPUXA E OUTROS CONTOS

O Papuxa e outros contos. Sara Fernández FernándezAs anécdotas da señora Ramona despois de chegar da Suíza e de como varría a praza. Os paseos que daba Antón, o fillo do xuíz, que vivía en Madrid, pola beira do Avia ata o Miño. O control que tiña o señor Papuxa, aínda que estivese cantando e bebendo toda a tarde. O primeiro día de Xelo, cando foi de pesca co seu pai e o seu irmán. O gozo que tiña Sabela paseando coa súa nai pola Ponte Romana de Ourense. O egoísta e nugallán que era o señor Karías. O compañeirismo de Brais, o mellor xogador do Ponteareas. A alfombra tan linda que fixeron nas Festas do Portal de Ribadavia. A avaricia do Moucho, o Milagreiro. E como os ribadavienses se xuntaron para apagar o lume no monte de Santa Marta, no barrio da Foz.Unha recreación dos contos, certos ou non, de épocas pasadas na comarca do Ribeiro.