Saxa lotsa da

Istorio samur eta dibertigarri honek herabetasuna gainditzera eta jolasak eta estimuak partekatzera gonbidatzen du.

Saxa Leoren etxera jolas egitera heltzen denean, laguna energiaz beteta eta jolasetan jarduteko prest dago. Leok hainbat jolas egin nahi ditu bere lagunarekin, hala nola sukaldariarena, rock-kantariarena edo astronautarena. Saxak, orduan, bere burua irudikatzen du opil goxoak prestatzen, agertokiaren gainean kantatzen edo espazioan zehar hegan egiten, baina bere herabetasunak blokeatu egiten du, eta etxera bueltatu nahi luke lehenbailehen. Nola erakutsi Leori, ordea, benetan jolas egin nahi duela berarekin?

Natalia Shaloshvili bere haur-esperientzia propioetan oinarritutako istorio berri batekin bueltatu da, eta sozializatzeko denbora gehiago behar duten umeei eskaintzen die. Umorez eta samurtasunez betetako album bat da, zeinean otsokume bat gai den, adiskidearen laguntzaz, bere lotsa eta herabetasuna gainditzeko, azkenean elkarrekin jolastuz gozatzeko.