VISPERAS DE CLAUDIA

O dezasete de Xullo de 1936. á saída da sesión de cinematógrafo, Zacarías Confurco, o Capador, ten que acudir á igrexa de Santa Eufemia do Centro en Serenou, onde se vai celebrar un rosario pola alma de Calvo Sotelo. Asistirá en calidade de escolta persoal de don Samuel Porchetino, xefe da Falanxe. Pero esa tarde o Capador desatende as súas obrigacións e encamíñase a un burdel. Desviando así os seus pasos, ese matón de bárbara simpleza acaba protagonizando uns desaforados e cruentos sucesos, esporeado pola chulería da ignorancia reaccionaria, polo clima abafante de Serenou en Xullo e o latexar crispado da cidade.Vísperas de Claudia é a narración deses feitos e unha recreación do ambiente tenso e violento daqueles días en clave de traxedia grotesca. Tamén é unha parodia dos modos literarios do expresionismo tremendista, unha alegoría histórica e a consolidación dun espacio narrativo: Serenou, a cidade literaria de Manuel Guede.