XIXON SOUND

Cuando se fala del Xixón sound, del soníu Xixón, ta falándose de Kactus Jack, de Yellowfinn, de Manta Ray, d´Eliminator Jr., de Penélope Trip y especialmente d´Australian Blonde, la cabeza más visible d´esti movimientu musical que consigue, con pocos apoyos y magnífica música, sonar per tola Península. L´autor d´esti llibru, el primeru que se dedica al soníu Xixón, analiza les característiques qu´atropen baxo esa etiqueta a estos grupos: un conceptu musical asemeyáu, parecíes referencies musicales, usu del inglés nes lletres de les canciones, sellos independientes y el bon facer como productor de Paco "Loco" Martínez...