José Luis Rendueles

La llibertá los caminos ye una novela a dos tiempos: nún nárrase la vida de Doña, de los Texedores d'Urbiés, madre del sindicalista de la Internacional Sindical Roja y de la CNT Jesús Ibáñez y tía-cuasi madre de Constantino Turon, el bandoleru famosu de la zona que robaba a la xente rico pa dar a quien nada tenia.Madre soltera en malos tiempos, recala na Francia refinada d'a finales del sieglu XIX y elli alquier cultura y modales, viaxa y respira aire nuevo. De vuelta pa España, conoz al Tuertu, borrachin y candongueru, col que tien fios y vive na independencia que da andar pelos caminos. Muyer valiente, culta y llibre, acaba la vida en Xixon y dexa un fiu col mesmu arguyu y sentiu de la lliberta y la xusticia: Jesus Ibañez.

La icorporación de José Luis Rendueles a les lletres asturianes, a lo menos d'una manera pública, féxose con posterioridá a la so presentación en castellán, llingua na qu'apaeció'l so primer llibru de poesía, Momentos acotados, en 1996. Nesta misma llingua publica en 1998 Ultrajes, pero yá en 1999 s'adrienta na lliteratura en llingua asturiana al ganar col llibru Alcordanza'l premiu de poesía «Elvira Castañón». A partir d'esi momentu la so obra n'asturianu nun fai otra cosa que medrar en cantidá y calidá. Asina, en 2001 gana'l premiu «Xuan María Acebal» con Casería, publicáu al añu siguiente. Con Albentestate, el llibru que publicamos agora, ganó'l premiu «Fernán-Coronas» de poesía, convocáu pola asociación cul...