14. SINDBAD EL MARÍ(VAL)

Agustín Sánchez Aguilar naceu en Barcelona un domingo de verán. Non ben entrou na escola, colleulle o gusto a ler, e desde aquela saltarica de libro en libro: pasa media vida lendo o que outros escriben e a outra media escribindo o que outros len. Traballa como profesor na universidade, dá conferencias sobre como animar os adolescentes a ler, escribe en verso de cando en vez e adaptou para nenos algúns grandes clásicos da literatura universal, como O Quixote e as Metamorfoses de Ovidio. Gústalle viaxar, andar en bici, botar a voar papaventos, rir coas súas fillas das trapalladas que saen pola tele e dar longos paseos pensando nas súas cousas. Publicou as novelas Equis y yo, sobre un pingüín intergaláctico que se lembra de todo, e La leyenda del Cid, sobre un guerreiro medieval do que todos se lembran. No seu libro Hay que salvar a Carmelo, un neno pídelles aos Reis Magos un porquiño de peluche, pero recibe un porco de verdade. Grazas a ese relato, gañou o Premio Ciudad de Málaga de Literatura Infantil e entrou na prestixiosa lista White Ravens. O seu gran soño é coñecer as Wonderful, as cinco tartarugas do seu último libro, e cantar karaoke con elas.