Caracteres

Datada do século IV a.C., esta obra contén un breve, vigoroso e mordaz bosquexo dos tipos morais, e unha invalorable descrición da vida do seu tempo. En definitiva, é o primeiro intento escrito dunha sistemática de caracteres tipo, unha obra mordaz e aguda. Unha obra clásica, pero totalmente actual e viva, na que cada persoa pode sentirse identificada mentres goza dunha lectura amena. A día de hoxe aínda é unha incógnita se se trata dunha obra de moral teórica, dun apéndice dun tratado sobre retórica ou comedia ou dunha mera diversión do autor. A estreita vinculación de Teofrasto coa tradición filosófica aristotélica acrecenta o interese na súa obra. Podes ler as primeiras páxinas do libro aquí. Esta obra recibiu unha axuda da Secretaría Xeral de Cultura, Consellería de Cultura, Educación e Ordenación Universitaria da Xunta de Galicia, na convocatoria de axudas para a tradución do ano 2017.