Chuan Galé

O cuaderno de tapas royas ye o diario intimo que o nino Chuan Galé escribe en o berano de 1974, cuan o rechimen de Franco s'amorta como una foguera lexana. Chuan Galé ye un zagal plen de taliento, un nuebo san Chuan Ebanchelista que, dimpués d'estar sustraito per o bolito breu d'una alica roya, nos conta o suyo mundo con parolas que enluzernan. Pero tamién ye un palimpsesto en o que a escritura de Nabarro e a de Galé dixan entrebeyer as trazas de Sender en Crónica del alba. Somos, per tanto, debán d'un testo rebutién d'alusions literarias e d'intertestualidaz, d'una obra d'escritura esauta, sincopata, cuasi poetica… en a que os feitos reyals e as fantesías infantils, as bibenzias e as leturas, a istoria e a literatura, s'achuntan e s'enreligan fendo pacha.