O asubío do tempo

"O asubío do tempo", coma o seu título nos di, é un conxunto de relatos da nenez da autora no seu pobo, Cangas do Morrazo, visto dende a retrospectiva dos anos macios. Vivencias, mar, agro; paroladas dos devanceiros e os seus faceres, mestúranse nun conxunto válido para tódolos que algunha vez foron nenos. Hai un movemento cíclico na historia da humanidade, mais as pegadas dos primeiros anos da nosa vida quedan esculcadas na alma configurando transcendentalmente, o que hoxe somos. Este libro ten interese para tódalas idades pois debuxa unha paisaxe común na que se os lectores sentiranse protagonistas e identificados coa autora en moitas ocasións. Para os mozos de hoxe é un referente da vida de hai moitos anos, alicerce ancorado na nosa cultura galega e parte da súa historia.