Titiricircus

Esta obra de teatro de monicreques é unha homenaxe ao circo, que fixo vibrar a moitas xeracións de nenos e nenas. Dende hai 40 anos, Tanxarina fai posible ese mundo de soños representando funcións de vila en vila.

Cando chegaron os malos tempos ao mundo do circo, os artistas de Tanxarina, pallasos e titiriteros, decidiron perpetuar e homenaxear aquel mundo esplendoroso e colorista mediante un espectáculo, de menores dimensións pero igual de emocionante, repleto de personaxes peculiares. Titiricircus percorre desde hai vinte e cinco anos as estradas sementando de ilusións cada pobo. As ilustracións recollen o proceso de creación e as principais características que conforman o catálogo de protagonistas.