XOHAN XESUS GONZALEZ: UN PRECURSOR DO SOBERANISMO GALEGO

Este home cuxa figura é aquí deseñada con trazos vigorosos por Héitor Picallo atravesou coa forza dun meteoro o ceo das ideas políticas galegas e, ao cair ao chan, os ollos alampados dos contemporáneos conservaron durante moito tempo a súa luz. Ás atoutiñadas, con contradicións, combinando sempre a acción e a meditación sen abandonar a criación literaria e o exercicio do xornalismo de ideas, Xohán Xesús é o primeiro exemplo que coñecemos dun líder político que, no século XX, intentase o encontro entre a esquerda socialista e o nacionalismo galego. X. L. Méndez Ferrín